02, ოქტომბერი 2021 07:06:00
აშშ-ის სახელმწიფო დეპარტამენტში მიხეილ სააკაშვილის დაკავებას ეხმაურებიან.
„ამერიკის ხმის“ ინფორმაციით, დეპარტამენტის პრესსპიკერმა განაცხადა, რომ შტატები მოვლენებს ახლოს აკვირდება.
„ჩვენ გვაქვს მისი დაკავების ცნობები და მოვლენების განვითარებას ახლოს ვაკვირდებით. ჩვენ მოვუწოდებთ საქართველოს ხელისუფლებას უზრუნველყოს, რომ ბატონი სააკაშვილი ისარგებლებს თანასწორობის პრინციპით, საქართველოს კანონმდებლობის და საქართველოს მიერ აღებული ადამიანის უფლებების საერთაშორისო ვალდებულებების შესაბამისად", - განუცხადა დეპარტამენტმა "ამერიკის ხმას."
საქართველოს ყოფილი პრეზიდენტი, მიხეილ სააკაშვილი, გუშინ დააკავეს. იგი რუსთავში, მე-12 პენიტენციურ დაწესებულებაშია გადაყვანილი.