01, ოქტომბერი 2021 23:06:00
პრემიერმინისტრი, ირაკლი ღარიბაშვილი ამბობს, ცრუ ინფორმაცია ვრცელდებოდა იმის შესახებ, რომ ხელისუფლებამ მიხეილ სააკაშვილის ჩამოსვლის შესახებ არ იცოდა. მისივე თქმით, ეს მათი ტაქტიკა იყო და მან თანაგუნდელებს ბოდიშიც მოუხადა.
ღარიბაშვილის განცხადებით, სააკაშვილი მაშინ დააკავეს, როცა ის ბინაში მარტო იყო.
"ცრუ ინფორმაცია ვრცელდებოდა იმის თაობაზე, რომ თითქოს ხელისუფლებამ არ იცოდა. აქვე მინდა ბოდიში მოვუხადო ჩვენი გუნდის წევრებს, მათაც მოუწიათ საპირისპირო განცხადების გაკეთება. ჩვენ შეგნებულად არ ვამბობდით ამის თაობაზე, ეს იყო ჩვეულებრივად ოპერატიული ტაქტიკა, რომელიც საჭირო იყო ასეთი შედეგის დასაყენებლად", - თქვა ღარიბაშვილმა იმედის ეთერში.
მიხეილ სააკაშვილის დაკავების შესახებ პრემიერმინისტრის, ირაკლი ღარიბაშვილის ბრიფინგიდან გახდა ცნობილი. მოგვიანებით, სააკაშვილის ციხეში გადაყვანის კადრებიც გავრცელდა.