09, თებერვალი 2017 11:28:00
პარტია ,,ევროპული საქართველოს"ლიდერები დღეს ხულოში იმყოფებოდნენ. გიგი უგულავამ და გიგა ბოკერიამ მუნიციპალიტეტის აქტივისტებთან გაცნობითი ხასიათის შეხვედრა გამართეს. ისინი მხარდამჭერებს სამომავლო გეგმებსა და მოახლოებულ თვითმმართველობის არჩევნებზე ესაუბრნენ. დღესვე აირჩიეს ,,ევროპული საქართველოს" ხულოს რაიონული ორგანიზაციის თავმჯდომარის მოვალეობის შემსრულებელი. ნუგზარ სოლომონიძე ორგანიზაციას მაისში დაგეგმილ ყრილობამდე უხელმძღვანელებს. დღესვე გადაწყდა, რომ ხულოს საკრებულოში ახალი ფრაქცია ,,ევროპული საქართველო" შეიქმნება. რეგისტრაციისთვის დეპუტატები საკრებულოს განცხადებით ხვალ მიმართავენ.