ხელვაჩაურის საკრებულოს თენგიზ ირემაძე უხელმძღვანელებს. მან სხდომაზე დამსწრე 16 წევრიდან 14-ის მხარდაჭერა მიიღო. წინა მოწვევის საკრებულოსგან განსხვავებით მას ერთის ნაცვლად სამი მოადგილე ეყოლება. თითოეული მათგანი მმართველი გუნდის წევრია. მათ კენჭი ცალ-ცალკე უყარეს. მინდია დიასამიძემ, მალხაზ სალვარიძემ და ვახტანგ ლორთქიფანიძემ სხდომაზე დამსწრე თანაგუნდელების 14-ვე ხმა მიიღეს. კენჭისყრაში მონაწილეობა არ მიიღეს პარტია „გახარია საქართველოსთვის“ წევრებმა. თქვეს, რომ არჩევნების შედეგები არალეგიტიმურია და ფარსში მონაწილეობა არ სურდათ. ასევე პროტესტის ნიშნად, სხდომათა დარბაზში საერთოდ არ შევიდნენ „ერთიანი ნაციონალური მოძრაობის“ წევრები. პირველ სხდომაზე, დააკომპლექტეს ფრაქციები და კომისიები. ისევ ხუთი მუდმივმოქმედი კომისია იქნება ხელვაჩაურის საკრებულოში. ხუთივე მათგანს, თავმჯდომარე, ასევე „ქართული ოცნებიდან“ ჰყავს. ხელვაჩაურის მუნიციპალიტეტის საკრებულო 24 წევრიანია. აქედან 14 „ქართულ ოცნებას“ წარმოადგენს, 7 „ნაციონალურ მოძრაობას“, სამი ხმა აქვს გახარიას პარტიას „საქართველოსთვის“.
10
s
s
s