29, ნოემბერი 2021 19:08:00
მიხეილ სააკაშვილის, სასამართლო პროცესს სხვადსხვაგვარი შეფასება მოჰყვა. „ერთიან ნაციონალური მოძრაობაში“ ამბობენ, რომ მესამე პრეზიდენტი, ერთი კაცის პატიმარია და ეს ბიძინა ივანიშვილია. მთავარ ოპოზიციურ ძალაში მიაჩნიათ, რომ მაყურებელმა პირდაპირ ეთერში ოლიგარქის ხელწერით, რუსული რეჟიმის მიერ ადამიანის გასამართლების პროცესს უყურა.
„გირჩი- მეტი თავისუფლებაში“ აინტერესებთ, რატომ მიყვანეს მიხეილ სააკაშვილი სასამართლოზე, მაინცდამაინც დღეს, თუ კი, აქამდე პროცესი, განსასჯელის დაუსწრებლად მიმდინეობდა? იაგო ხვიჩია, ამბობს, რომ სააკაშვილის გამოჩენას, მხარდამჭერების მხირიდან, ვნებათაღელვა, ყოველთვის მოჰყვება და ეს, ხელისუფლებას, იმის საფუძველს არ აძლევს, რომ მსჯავდებული დაუსწრებლად გაასამართლოს.
„ლელო საქართველოში“ ფიქრობენ, რომ მესამე პრეზიდენტის, სასამართლო პროცესზე მიყვანა, ევროპული სასამართლოს დამსახურებაა. რაც შეეხება მიხეილ სააკაშვილის სიტყვით გამოსვლას, პარტიაში შეცდომების აღიარებას მიესალმებიან. ისინი ხელისუფლებას სწორი ნაბიჯების გადადგმისა და პროცესის გამჭვირვალედ წარმართვისკენ მოუწოდებენ.
„ტყეს, რომ ჭრიან შეიძლება ნაფოტები ცვიოდეს“ - ეს შედარება მოჰყავთ, მმართველ გუნდში, მიხეილ სააკაშილის სიტყვით გამოსვლის კომენტირებისას. არჩილ თალაკვაძე, კვლავ „ნაციონალური მოძრაობის“ მმართველობაზე აქცენტირდება და ამბობს, რომ სწორედ მათმა რეფორმებმა შეიწირა უამრავი ადამიანის სიცოცხლე.
ეს პირველი შემთხვევა იყო, როცა ექს პრეზიდენტი, მის მიმართ წარდგენილი ბრალის განხილვას ესწრებოდა. საქმეს, თბილისის საქალაქო სასამართლოს, სამი მოსამართლე განიხილავდა.