23, ნოემბერი 2021 14:29:00
ბათუმის მერი, დღემდე არ ფლობს ინფორმაციას, ბათუმში მიმდინარე უკანონო მშენებლობასთან დაკავშირებით. არჩილ ჩიქოვანმა ჩვენი კითხვის საპასუხოდ თქვა, რომ საკითხს ჩაუღრმავდება და მოქალაქეების ყველა კითხვას პასუხი გაეცემა. შეგახსენებთ, რომ გოგოლის ქუჩაზე, 11 ნომერში, გაურკვეველი ფუნქციის კორპუსებს „მეტრო ტერმინალი“ აშენებს. არსებული ინფორმაციით, კომპანია მუნიციპალურმა ინსპექციამ 7 ჯერ დააჯარიმა, ამის მიუხედავად დემონტაჟი, ამ დრომდე, არ განხორციელებულა. მეტიც შენობების რაოდენობა იზრდება. საქმე სასამართლო დავის საგანია. ტერიტორიაზე ავტოსადგურის მშენებლობის ნებართვა 2011 წელს გაიცა, თუმცა, 10 წლის შემდეგ, ადგილზე გაურკვეველი ფუნქციის 7 აშენებული და ორი მშენებარე კორპუსი დგას.
1
s
s
s