კლინიკამ ოპერაციის შემდეგ გაწერილი პაციენტი ისევ უკან დააბრუნა, რის შემდეგაც 19 წლის ბიჭი გარდაიცვალა
ახალი ამბები
კლინიკამ ოპერაციის შემდეგ გაწერილი პაციენტი ისევ უკან დააბრუნა, რის შემდეგაც 19 წლის ბიჭი გარდაიცვალა. შემთხვევა ახალციხეში მოხდა.
სწორედ ამიტომ, გუშინ ღამით, ფოკაში, სამცხე-ჯავახეთის ექსპერტიზის ბიუროსთან, ადგილობრივები ახალგაზრდა კაცის სიკვდილის რეალური მიზეზის დადგენას მოითხოვდნენ. ისინი მომხდარში სამედიცინო დაწესებულებას ადანაშაულებენ.
ოჯახის ახლობლების განცხადებით, ბიჭს 11 ნოემბერს კუჭის წყლულის ოპერაცია გაუკეთდა, 16 ნოემბერს საავადმყოფოდან გაწერეს, თუმცა 17-ში პაციენტის უკან დაბრუნება მოითხოვეს და იგი მალევე გარდაიცვალა.
"დაგვირეკეს და გვითხრეს, რომ სასწრაფო ოპერაცია ჩაატარეს. ოთხი დღის შემდეგ გამოწერეს და სახლში წავიყვანეთ. თავს კარგად გრძნობდა. ამის შემდეგ მისი უკან დაბრუნება მოითხოვეს და თქვეს, რომ 10 დღის შემდეგ გამოწერდნენ. წავიყვანეთ საავადმყოფოში და დღეს დაგვირეკეს, რომ ცუდად გახდა და ახალქალაქის საავადმყოფოში გადაიყვანეს. ახალქალაქის საავადმყოფოში კი გვითხრეს, რომ როცა გადმოიყვანეს ის უკვე გარდაცვლილი იყო. არ ვიცით რა მოხდა. ამის გაგება გვინდა, რატომ მოხდა ასე. რა უნდა იფიქრო, როცა საკუთარი თვალით ხედავ, რომ კარგადაა, დღე არ გასულა და გარდაცვლილია. საავადმყოფოში მათ არაფერი გააკეთეს,"- თქვა გარდაცვლილის ახლობელმა.
1
s
s
s