11, ნოემბერი 2021 15:35:00
როცა შენს „მტერს“ ასე ემსგავსები, უკვე დამარცხებული ხარ! - ასე ეხმაურება გიორგი გახარია მიხეილ სააკაშვილის კლინიკაში გადაყვანის კადრებს, რომელიც პენიტენციურმა სამსახურმა დღეს გაავრცელა. პარტია "საქართველოსთვის" დამფუძნებელი ამბობს, რომ მსგავსი ქმედებები სახელმწიფოს ხალხის წინაშე დამარცხებას ნიშნავს.
“ როცა შენს „მტერს“ ასე ემსგავსები, უკვე დამარცხებული ხარ! დამარცხებული - საკუთარ ხალხთან და სახელმწიფოსთან!“- წერს გახარია.
ცნობისთვის, საქართველოს მესამე პრეზიდენტის, მიხეილ სააკაშვილის, ციხიდან კლინიკაში იძულებით გადაყვანის კადრები, პენიტენციურმა სამსახურმა გაავრცელა, ამასთან დაკავშირებით კი, იუსტიციის მინისტრმა განაცხადა, რომ ექს-პრეზიდენტის დაუმორჩილებლობის გამო გამოძიება დაიწყო.