09, ნოემბერი 2021 16:50:00
პატრონის მიერ, ძაღლისა და კატის მიტოვებაზე შესაძლოა, ადმინისტრაციული ჯარიმა დაწესდეს. ცვლილებები „ადმინისტრაციულ სამართალდარღვევათა კოდექსში“ შედის, რომლის ინიციატორები პარტია „მოქალაქეების“ ლიდერები ლევან იოსელიანი და ალეკო ელისაშვილი არიან. სიახლის მიხედვით, სახდელი, ფიზიკური პირისთვის 500 ლარი, ხოლო იურიდიული ან ინდივიდუალური მეწარმისთვის 1 500 ლარი იქნება. მიზანი მოქმედ კანონმდებლობაში პრევენციული მექანიზმის განსაზღვრაა, რომელიც მეპატრონეს შეაფერხებს შინაური ცხოველის ქუჩაში მიტოვებისგან.