09, ნოემბერი 2021 16:07:00
აჭარაში, ყალბი საგადასახადო დოკუმენტების დამზადება-გამოყენების და სახელმწიფოს კუთვნილი დიდი ოდენობით თანხის თაღლითურად დაუფლების ფაქტზე, ბრალდებულის სახით, პასუხისგებაში ერთი პირი მისცეს. გამოძიებით დადგინდა, რომ ბრალდებულმა, უკანონო მატერიალური სარგებლის მიღების მიზნით, მისი ფაქტობრივი მართვის ქვეშ მყოფი ორი კომპანიის სახელით, ურთიერთშორის ფიქტიურად გაწერა 1 მილიონ 560 ლარის ღირებულების სამშენებლო-სარემონტო მომსახურების ამსახველი ყალბი ანგარიშ-ფაქტურები, რა გზითაც მისსავე კომპანიას ჯამში 164 ათას 678 ლარის ოდენობის ყალბი აქტივი შეუქმნა, შედეგად, თაღლითურად დაეუფლა 13 ათას 584 ლარს. დანაშული, 6-დან 9 წლამდე პატიმრობას ითვალისწინებს.