02, ნოემბერი 2021 15:48:00
2021 წლის პირველი დეკემბრიდან, საქართველოში, „სოკარ ჯორჯია გაზის“ საცალო არასაყოფაცხოვრებო მომხმარებლებისთვის გაზი ძვირდება. ბუნებრივ აირზე ფასი 20 თეთრით მოიმატებს.
აქამდე 1 კუბ.მეტრ ბუნებრივი აირის მოხმარების ფასი 95 თეთრი იყო, პირველი დეკემბრიდან კი 1 ლარი და 15 თეთრი იქნება დღგ-ს ჩათვლით.
კომპანიის ინფორმაციით, გაზის ფასი უცვლელი დარჩება პურის მწარმოებელი კომპანიებისათვის. მათივე ცნობით, ფასის კორექტირების აუცილებლობა მომსახურებასთან დაკავშირებული დანახარჯების გაზრდისა და ეროვნული ვალუტის გაცვლითი კურსის ცვლილებითაა განპირობებული.