01, ნოემბერი 2021 14:16:00
„თამბაქოს კონტროლის“ შესახებ, კანონში გარკვეული ცვლილებებია დაგეგმილი. ამასთან დაკავშირებით, შესაბამისი საკანონმდებლო ინიციატივა უკვე მომზადდა. მისი განხილვა პარლამენტში სავარაუდოდ, უახლოეს პერიოდში დაიწყება.
გთავაზობთ, ინიციატივებს, რომელსაც საკანონმდებლო წინადადება გულისხმობს:
1. ცვლილებებით დაგეგმილია მოწევის აკრძალვა ტაქსებსა და კატერებში. კანონდამრღვევი ტაქსის მძღოლები 200 ლარით, მგზავრები კი 100 ლარით დაჯარიმდებიან;
2. მოწევა აიკრძალება ასევე მსუბუქ კერძო ავტომობილებში არასრულწლოვანთა თანდასწრებით. ამ შემთხვევაში პირველადი ჯარიმა ყველასათვის 100 ლარით არის განსაზღვრული;
3. იგეგმება ელექტრონული სიგარეტის სითხეებზე გადასახადების გაზრდა და თამბაქოს სხვა პროდუქტებთან გათანაბრება;
4. ასევე ცვლილებით მოხდება - თამბაქოს ნაწარმში არომატიზატორების გამოყენების აკრძალვა;
5. მკაცრად გაკონტროლდება და კონკრეტულ უწყებას დაექვემდებარება ინტერნეტში თამბაქოს ნაწარმის პოპულარიზაციის აკრძალვის კონტროლის საკითხი.
წყარო: bpn.ge