ბათუმის მერიის მუნიციპალური ინსპექციიდან, ექსპრემიერის პარტიაში, პარტიის მეშვეობით კი, მანდატი საკრებულოში.ირაკლი თავდგირიძე დეპუტატი ოპოზიციის სახელით გახდა, თუმცა, ოპოზიციისთვის მხარდაჭერას არ აპირებს. ხელისუფლების ოპონენტობის ნიღაბით არჩევნებში მონაწილე, თავდგირიძე, საქმიანობის გაგრძელებას, დამოუკიდებელი დეპუტატის სტატუსით გეგმავს. მან, ბათუმის წარმომადგენლობით ორგანოში შესული ყველა პარტია უარყოფით კონტექსტში მოიხსენია, „ქართული ოცნების გარდა“. ამ ფონზე, რამდენად იქნება პოზიცია შეცვლილი, საკრებულოს წევრი, ხელისუფლების მიმართ, ისევ ოპოზიციურად განწყობილი, თავად განსაჯეთ.
„გასაყიდი უნდა გაიყიდოს“, რაც მალე გაიწმინდება პარტია ადამიანებისგან, ვისთვისაც ღირსებაზე მაღლა მატერიალური კეთილდღეობა დგას, მით უკეთესი იქნება - ასე აფასებენ პარტიაში „საქართველოსთვის“, ირაკლი თავდგირიძის გადაწყვეტილებას. აკაკი გვიანიძე, ვარაუდობს, რომ თავდგირიძის მიმართ მოსყიდვის ან დაშინების ფაქტი განცხორციელდა. იგი იმ ადამიანს ვინც, გუშინ, ჯერ კიდევ მისი თანაგუნდელი იყო, უღირსად მოიხსენიებს. ვინ გაყიდის კიდევ ექს-პრემიერის გუნდს ამას დრო გვიჩვენებს. მანამდე კი, გვიანიძე დარწმუნებულია, რომ მსგავსი ფაქტი აღარ განმეორდება და საკრებულოში ოპოზიციის სახელით შევლენ.
სამაგიეროდ თავდგირიძის გადაწყვეტილებას იწონებენ მმართველ გუნდში. აჭარის უმაღლესი საბჭოს დეპუტატმა გახარიას გუნდს გამოყოფილი წევრის პოსტი, ზუსტად ერთ წუთში. საკუთარ გვერდზე გააზიარა. ლადო მგალობლიშვილი ხარობს, რომ „ერთიანი ნაციონალური მოძრაობის“ საკრებულოში უმრავლებით ყოფნის მითები, თავდგირიძემ დაამსხვრია. არ მოგესმათ, იურიდიულ და საპროცედურო საკითხთა კომიტეტის თავმჯდომარე, სწორედ იმ ადამიანის საქციელს იწონებს, ვინც ჯერ „ქართული ოცნებას“ და შემდეგ სხვა პარტიასაც უღალატა.
ჩნდება კითხვა, ხომ არ იყო, „ქართული ოცნების წევრების“ გახარიას პარტიაში გადასვლა დადგმული სცენა? და ხომ არ შეესაბამება სიმართლეს ოპოზიციის ნაწილის ეჭვები, რომ ექსპრემიერის გუნდი ხელისუფლების სატელიტ ძალას წარმოადგენს? ირაკლი თავდგირიძის გადაწყეტილების მიუხედავად, ბათუმის საკრებულოს უმრავლესობით მაინც ოპოზიცია აკომპლექტებს. ეჭვები უფრო მეტად ღრმავდება, როცა თორნიკე რიჟვაძე თავდაჯერებულად ირწმუნება, რომ ამ ფონზე, წარმომადგენლობით ორგანოში, უმრავლესობა „ქართული ოცნების“ ხელში იქნება.
ოპოზიციაში ფიქრობენ, რომ ირაკლი თავდგირიძის გადაწყვეტილება ვერაფერს შეცვლის. იმედოვნებენ, რომ საკრებულოს ის დარჩენილი ორი დეპუტატი, რომლებმაც, მანდატი ექსპრემიერის პარტიის სახელით მოიპოვეს, თავდგირიძის მსგავსად, პოზიციას არ შეიცვლიან. ოპონენტები ლადო მგალობლიშვილის, ფეისბუქ პოსტს ეხმაურებიან და უმაღლესი საბჭოს წევრს მათემატიკის კარგად სწავლას ურჩევენ.
ირაკლი თავდგირიძე, ფეისბუქ პოსტის შემდეგ მედიასთან აღარ ჩნდება. მასთან დაკავშირებას მთელი დღის განმავლობაში უშედეგოდ ვცდილობოდით. ჩვენი ზარებით შეწუხებულმა, ტელეფონი საერთოდ გამორთო.
4
s
s
s