წლები, ნაცების დასრულების იმედით და შესაბამისად, უცვლელი დღის წესრიგით. „ქართულ ოცნებას“ უმაღლესი ბერკეტი, ცხრაწლიანი მმართველობაც არ ეყო, მისულიყო მთავარ მიზნამდე. ოპონენტი ახერხებს, იყოს ხელისუფლების ძირითადი ოპოზიციური ძალა უცვლელად ცხრა წელი. ქართულ ოცნებას, სწორება 2021 წლის თვითმმართველობის არჩევნების მეორე ტურის წინაც, ისევ ნაცმოძრაობაზე აქვს და ნაცვლად იმისა, რომ ეფექტური მმართველობით მოიგოს ხალხის გული, მთავარ ოპონენტზე გამარჯვებაში დახმარებას, ისევ საზოაგდეობას სთხოვს. გოგა ანთიძემ გადაავლო თვალი, როგორი იყო ხელისუფლების მთავარი ამცანა არჩევნებიდან არჩევნებამდე.
ჩვენ დაგასრულებთ, დავასრულოთ ნაცები, არა ღალატს, არა ბოროტებას, არსად წასვლას არ ვაპირებ, სანამ თქვენ არ დაგამთავრებთ - „ქართული ოცნება“ სხვა დაპირებებთან ერთად, ამ დაპირებასაც ვერ ასრულებს. თქვენი აზრით, მერამდენე კამპანია წამოიწყო „ნაცების“ დასასრულდებლად ხელისუფლების სადავეებთან ჩამდგარმა „ქართულმა ოცნებამ“? ამის დაზუსტებით თქმა გამიჭირდება, თუმცა, მოდით 9 წლის ოცნებებს თვალი ერთად გადავავლოთ.
შორს ნუ წავალთ და ახლო წარსულს გადავხედოთ. ჩვენი ქვეყნის „საამაყო“ პრემიერმა, „დიდი მადლობა“ ღარიბაშვილმა, 2020 წელს, ხელისუფლებაში თავდაცვის მინისტრად დაბრუნებულმა, 2012 წლის პრემიერმინისტობის დროს გაკეთებული პოსტი გააზიარა და მდიდარი ეპითეტებით, 8 წლის თავზეც, კვლავ, „ნაციონალების გაუქმების“ ვერ განხორციელებული მიზანი დაისახა.
შემდეგ იყო გახარიას განდგომა. როცა თვალთხარიად წოდებული, დაწინაურებული გახარია, ხელახლად გაპრემიერემებულმა, ღარიბაშვილმა შეცვალა. გაგიკვირდებათ და მეორედ მოსვლა იგივე იმედებითა და მოწოდებებით გააგრძელა - “დავასრულოთ ნაცები“.
გასული წლის საპარლამენტო არჩევნების წინ, სახელდახელოდ დაფუძნდა ორგანიზაცია „დავასრულოთ“, რომლის მიზანიც წინა ხელისუფლების პასუხისგებაში მიცემა გახლდათ. შეეჭიდნენ ბრძოლას, თუმცა, ვერაფერს გახდნენ. რამე რომ გამოსვლოდათ, 2012 წელს ხელისუფლების სათავეში ნაცების დასჯის იდეით, სათავეში მოსულ მთავრობას, 9 წლის თავზეც, იგივე დღის წესრიგი არ ექნებოდა.
9 წელი ხელისუფალის სათავეში მყოფი და შემდგომი 9 წელი ოპოზიციაში მთავარ ოპონენტად ქცეული „ნაცმოძრაობის“ დამარცხება, რომ „ქართული ოცნების“, მთავარი ამოცანაა, ამას, პარტიის მიერ, გამოქვეყნებული წინასაარჩევნო ვიდეო-კლიპიც ადასტურებს.
რამდენად სანდოა, ქვეყნის ხელმეორად დანიშნული მეთაურის იგივე დაპირება, რაც 9 წლის წინ ჰქონდა, რომ ყველაზე დიდ ოპოზიციურ ძალას დაასრულებს? ვკითხეთ ლალი ანთიძეს.
„ოცნებისა“ და „ნაციონალური მოძრაობის“ ჭიდილს, ჯორჯ ორუელის დისტოპიიდან ერთი კარგი ფრაზა გამოხატავს: „ყველა თაობა საკუთარ თავს მეტად ინტელიგენტად წარმოიდგენს, ვიდრე წინას, და მეტად ბრძენს, ვიდრე მომავალს“ - ხოდა ახლა, ასეა, ამ ორი პარტიის საქმეც. ერთი მხრიდან ხელისუფლება იძახის მე ვარ მაგარიო, მეორე მხრიდან „ნაცმოძრაობა“. საბოლოოდ კი, წაგებული ისევ ამომრჩეველი რჩება. ვნახოთ რა სიქნება ხვალ...
2
s
s
s