არჩევნების მეორე ტური ხულოში ორ თემში ჩატარდება
ხულოში, მაჟორიტარებს შორის, მეორე ტური, ორ სამაჟორიტარო ოლქში შედგება. დაბა ხულოსა და დეკანაშვილებში. დაბის თემში, ერთმანეთს ისევ ოპოზიციური პოლიტიკური სუბიექტების წარმომადგენლები უპირისპირდებიან. დეკანაშვილებში კი დარჩენილი ერთი თავისუფალი მანდატი ან მმართველი გუნდს დარჩება, ან კიდევ ერთიან ნაციონალურ მოძრაობას. ვის და რატომ უნდა ხულოს საკრებულოში მოხვედრა და ცვლის თუ არა პოლიტიკურ ფონს განმეორებითი კენჭისყრა ხულოში, ვრცლად სიუჟეტში ნახავთ.
არჩევნების მეორე ტური, ხულოს მუნიციპალიტეტში, ორ სამაჟორიტარო ოლქში - დაბა ხულოსა და დეკანაშვილებში ჩატარდება. დაბაში ერთმანეთს ოპოზიციონერი კანდიდატები დაუპირისპირდნენ. ორივე მათგანი ხულოს საკრებულოს მოქმედი წევრია. გახარიას გუნდიდან, მანდატის მოსაპოვებლად ირაკლი ბოლქვაძე იბრძვის. 2017 წლის მოწვევის საკრებულოში იგი სახელისუფლებო პარტიას წარმოადგენდა, მანამ, სანამ ყოფილი პრემიერი პოლიტიკურ პარტიას ჩამოაყალიბებდა.
„ნაცონალური მოძრაობიდან“, ხულოს წარმომადგენლობით ორგანოში მოხვედრას ლევან მახარაძე ცდილობს. ამბობს, რომ ხულოს მოქმედ საკრებულოში, გუნდთან ერთად, არაერთი ინიციატივა აქვს წარდგენილი, რის საფუძველზეც ბევრი პრობლემა გადაიჭრა. მისი მთავარი სამოქმედო გეგმა კი, დაბის კეთილმოწყობაა.
დეკანაშვილების თემში, მანდატის მოპოვებას, ხელისუფლებისა და მისი მთავარი ოპონენტის მიერ წარდგენილი კანდიდატები ცდილობენ. ამ სამაჟორიტარო ოლქში, ნადიმ დეკანაძე, პარტია „ქართულმა ოცნებამ“ წარადგინა, ხოლო „ერთიანი ნაციონალური მოძრაობიდან“ დეპუტატობის პრეტენდენტი - პროფესიით სტომატოლოგი, თენგიზ შანთაძეა. ამბობს, რომ მისი მთავარი სამოქმედო გეგმა ჯანდაცვის საკითხები იქნება.
ჩვენ ასევე დავუკავშირდით სახელისულებო პარტიის მიერ წარდგენილ მაჟორიტარ კანდიდატს, ნადიმ დეკანაძეს, თუმცა, არჩევნების მეორე ტურთან დაკავშირებით მან კომენტარი არ გააკეთა.
აჭარის მთიანეთში ხულოს გარდა, არჩევნების მეორე ტური ქედის ერთ სამაჟორიტარო ოლქში - დანდალოში ჩატარდება. აქ ერთმანეთს „ქართული ოცნებისა“ და „ნაციონალური მოძრაობის“ მაჟორიტარი კანდიდატები დაუპირისპირდნენ.
2
_2.jpg)
s
s
s