31, აგვისტო 2021 21:54:00
საბაჟო გამშვებ პუნქტში - ,,სარფი” დიდი ოდენობით ოქროს ნაკეთობების ქვეყნის საზღვარზე უკანონოდ შემოტანის ფაქტი აღიკვეთა. ფინანსთა სამინისტროს შემოსავლების სამსახურის ცნობით, საქონლის ღირებულებამ 31 ათას 613 ლარი შეადგინა. კანონდამრღვევ მოქალაქეს იგი ტვირთის გადასაზიდი ურიკის სახელურებსა და ფეხსაცმელების ჩასაფენებში მალულად ჰქონდა მოთავსებული. მებაჟე ოფიცრებმა ასევე გამოავლინეს არადეკლარირებული ოქროს ნაკეთობები და მონეტები საბაჟო გამშვებ პუნქტში - ,,ქუთაისის აეროპორტი“. იგი მილანი-ქუთაისის რეისით ჩამოფრენილი საქართველოს მოქალაქის ხელბარგიში იპოვეს.