28, აგვისტო 2021 13:26:00
საქართველოში ეპიდვითარება დღითიდღე მძიმდება. Stopcov.ge-ზე გამოქვეყნებული ინფორმაციის თანახმად, ბოლო 24 საათში ვირუსით ინფიცირების 4 247 ახალი დადასტურებული შემთხვევა გამოვლინდა. ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 540 449-ს.
გასულ დღე-ღამეში უხილავი მტერისგან გამოჯანმრთელდა 3 053 პირი, ხოლო გარდაიცვალა 74 ადამიანი. პანდემიის გავრცელებიდან დღემდე ვირუსს ჯამში 7 175 პირი ემსხვერპლა.
დღეს ქვეყანაში გამოვლენილი ინფიცირების 4 247 ახალი შემთხვევიდან თბილისში გამოვლენილია 1 755 შემთხვევა, აჭარა - 456, იმერეთი - 447, ქვემო ქართლი - 295, შიდა ქართლი - 254, გურია - 121, სამეგრელო - ზემო სვანეთი - 304, კახეთი - 389, მცხეთა-მთიანეთი - 102, სამცხე-ჯავახეთი -86, რაჭა-ლეჩხუმი და ქვემო სვანეთი - 38.
ამ ეტაპზე ინფიცირების მიმდინარე აქტიური შემთხვევა 56 693, საიდანაც 7 546 მოქალაქე მკურნალობს საავადმყოფოში, მათ შორის, თბილისის საავადმყოფოებში - 3 232, აჭარაში - 1 010, იმერეთში - 1 171.
მძიმე პაციენტია 1 624 პირი, მათ შორის, თბილისში - 695, აჭარაში - 159, იმერეთში - 336. ხელოვნური სუნთქვის აპარატზე იმყოფება 378 ინფიცირებული, მათგან თბილისში - 222, აჭარაში - 40, იმერეთში - 26.