ქობულეთში, ნინი ცეცხლაძის ძალადობისა და მუქარის ბრალდებით დაკავებულ ბაბუას ბათუმის საქალაქო სასამართლომ პატიმრობა შეუფარდა. სოლომონ ცეცხლაძეს თავისუფლება ერთი წლის ვადით აღუკვეთეს. გადაწყვეტილება მოსამართლე თამარ ბეჟანიშვილმა მიიღო. დაკავებულს გამოძიება სისხლის სამართლის კოდექსის ორი მუხლით ედავებოდა. სასამართლომ კი გარდაცვლილი გოგოს ბაბუა 126-ე, ძალადობის მუხლით დამნაშავედ სცნო. შეგახსნებთ, 14 წლის ნინი ცეცხლაძემ მიმდინარე წლის თებერვალში სიცოცხლე თვითმკვლელობით დაასრულა. ამ თემასთან დაკავშირებით, შინაგან საქმეთა სამინისტრომ კიდევ ერთი პირი დააკავა. 16 წლის ასაკს მიუღწეველ არასრულწლოვანთან სექსუალური კავშირის დამყარებისა და თვითმკვლელობამდე მიყვანის ბრალდებით დაკავებულ, 1997 წელს დაბადებულ კაცს წინასწარი პატიმრობა აქვს შეფარდებული, ამ საქმის განხილვა ბათუმის საქალაქო სასამართლოში ჯერ კიდევ მიმდინარეობს.
5
s
s
s