აკნე უამრავი ადამიანისთვის ყოველდღიური თავისტკივილია. მას შეიძლება იწვევდეს როგორც გენეტიკა, ისე კვების დარღვეული რეჟიმი ან ჰორმონალური დისბალანსი. ხშირად აკნე გარემო გამაღიზიანებლებზე ორგანიზმის პასუხია. სახეზე გამონაყარს ყველა თავისებურად ებრძვის, თუმცა მასთან შიშველი ხელებით შეჭიდება ყოველთვის ცუდი იდეაა. შეიძლება კანზე ნაწიბურები დაგრჩეთ, ინფექცია გავრცელდეს და სახე უფრო ცუდ მდგომარეობაში ჩაიგდოთ.
თუ უშედეგოდ ბრძოლამ დაგღალათ და ძვირადღირებული საშუალებების შეძენაც არ გსურთ, შეგიძლიათ სახლში დაამზადოთ ნიღბები სახის კანისთვის. ბუნებრივი და ხელმისაწვდომი ინგრედიენტები სუფთა და ჯანსაღი კანის მიღწევაში დაგეხმარებათ.
1. თაფლისა და დარიჩინის ნიღაბი - მართალია, თაფლის სახეზე წასმა კონსისტენციის გამო სასიამოვნო არაა, მაგრამ ის ეფექტური ანტიბაქტერიული საშუალებაა. დარიჩინი კი მიკრობებს კლავს. ამ ორი ჯადოსნური ინგრედიენტის კომბინაცია თქვენს კანზე ინფექციის გაჩენის შანსს მინიმუმამდე დაიყვანს. მომზადება: ორი ჩაის კოვზი თაფლი და ერთი ჩაის კოვზი დარიჩინი აურიეთ ერთმანეთში და წაისვით სახეზე, 10-15 წუთში კი ჩამოიბანეთ თბილი წყლით.
2. კვერცხის ცილა - კვერცხის ცილა ამცირებს აკნეს, რადგან ის გაჯერებულია სასარგებლო ვიტამინებით. გარდა ამისა, პროტეინი კანის დაზიანებულ უბნებსა და მოუშუშებელ ნაწიბურებსაც აღადგენს. აქვს გამაახალგაზრდავებელი ეფექტი. მომზადება: დაგჭირდებათ 3-4 კვერცხის ცილა, რომელიც კარგად უნდა ათქვიფოთ. სახეზე პირველი ფენის დადებამდე სახე დაისველეთ თბილი წყლით, ყოველი მომდევნო ფენა დაიმატეთ მაშინ, როდესაც წინა კარგად გაშრება. 4-5 ფენის წასმის შემდეგ სახე კარგად ჩამოიბანეთ.
3. მაწვნისა და თაფლის ნიღაბი - რაციონში რძის პროდუქტების სიჭარბე სახის კანზე უარყოფითად მოქმედებს, მაგრამ თუ მას სახის ნიღაბში გამოიყენებთ, სახის კანზე დამამშვიდებელ ეფექტს იგრძნობთ. თაფლთან კომბინაციაში მაწონი გააქრობს სიწითლეს და კანს ეფექტურად დაატენიანებს. მომზადება: ერთი სუფრის კოვზი მაწონი და თაფლი აურიეთ ერთმანეთში და წაისვით სახეზე. ნიღაბი კარგად რომ გაშრება, ჩამოიბანეთ. მასთან ერთად სახიდან მოიცილებთ კანის მკვდარ უჯრედებსა და მავნე ბაქტერიებს.
2
s
s
s