ფიზიკური, ფსიქოლოგიური თუ სექსუალური ძალადობა - ბავშვთა მიმართ განხორციელებული მსგავსი ქმედებები, მათ ჯანმრთელობასა და განვითარებას კითხვის ნიშნის ქვეშ აყენებს. მრავალდაა სუიციდის შემთხვევებიც. ძალადობაგანცდილ მოზარდებს ხშირად, ფსიქოლოგების დახმარება სჭირდებათ. დარგის სპეციალისტები ერთხმად თანხმდებიან, რომ ნებისმიერი სახის ძალადობა ბავშვების სამომავლო ცხოვრებას დიდ საფრთხეს უქმნის. მაცნე დღეს იმით დაინტერესდა, თუ რას ეუბნებიან მსხვერპლი მოზარდები ფსიქოლოგებს? ნინია მესხიძემ მოისმინა ამ სფეროში მომუშავეების განმარტებები და უფრო მეტს ახლა ის გვიამბობს.
ცხოველები, ურჩხულები, მულტფილმების უარყოფითი გმირები და გიგანტი ადამიანები - ამ პერსონაჟებით ძალადობის მსხვერპლი მოზარდები მოძალადეებს ხატავენ. ხატვა ერთგვარი თერაპიაა, რომელსაც ფსიქოლოგები იყენებენ. ქეთი დევაძის თქმით, ხშირად ბავშვები ადრეულ ასაკშივე ხდებიან პედოფილიის მსხვერპლნი, რის გამოც განცდილის მოყოლა უჭირთ. სწორედ ამიტომ, თემაზე საუბარს ნახატებით ამჯობინებენ.
ფსიქოლოგის განმარტებით, ძალადობა გადატინილი მოზარდების ნახატებში, ძირითადად, მუქი ტონები ჭარბობს. შავი, ნაცრისფერი და ხშირ შემთხვევაში წითელი ფერებით, მსხვერპლი ბავშვები, მომხდარ სურათს აცოცხლებენ.
ძალადობა გადატანილ მოზარდებზე საუბრობს, კიდევ ერთი, ფსიქოლოგი. ქეთი ბერიძის განმარტებით, ბავშვების ნახატებში სამყაროდან გაქცევის სურვილი იკითხება. იგი ყურადღებას მეტაფორულ ბარათებზეც ამახვილებს. მასზე არსებული ნახატების არჩევით მოზარდი, განცდილ ძალადობას ნათლად წარმოაჩენს.
ძალადობის მსხვერპლნი, ხშირად, შშმ და ქრონიკული დაავადებების მქონე პირებიც ხდებიან. ფსიქოლოგი, ეთერ ვარშანიძე გვეუბნება, რომ მათი მშობლები ან მომვლელები, სიტყვების არასწორი ფორმულირებით, მოზარდებს, ფსიქოლოგიურ ტრავმებს აყენებენ.
ძალადობა გადატანილი და მზრუნველობა მოკვლებული ბავშვები მრავლად არიან არასამთავრობო ორგანიზაცია „იალქანში“. ხელმძღვანელი, თიკო აბაშიძე ფონდში შექმნილ სიტუაციებს იხსნებს, როცა მოზარდები, თანატოლებზე ისევე ძალადობენ, რა სახითაც, ძალადობის მსხვერპლი, თავად გახდა.
საბოლოოდ, ყველა ერთხმად თანხმდება, რომ ბავშვზე ძალადობის ნებისმიერი ფორმა, მათ ჯანმრთელობას სერიოზულ ზიანს აყენებს. ხელს უშლის მოზარდის განვითარებასა და სოციალიზაციას. უფრო ხშირად კი, საფრთხის წინაშე, არასრულწლოვანის სიცოცხლე დგება.
1
.png)
s
s
s