25, ივნისი 2021 13:13:00
ცხოვრება მუდმივ მტვერსა და ტალახში - ასეთ ვითარებაშია ათეულობით ოჯახი ბათუმთან ახლოს. აკაკი შანიძის პირველ ჩიხში მცხოვრებლებისთვის ეს სურათი უკვე ყოველდღიურობად იქცა. დასახლებაში არსებული ბეტონის მწარმოებელი ქარხნის გამონაბოლქვი ჰაერში იფრქვევა, რომელიც სახლებამდე აღწევს. მართალია, ტერიტორია სამრეწველო ზონას მიეკუთვნება, თუმცა მოქალაქეები მავნე აირების ემისიის შესაკავებლად სპეციალური ფილტრის მონტაჟს ითხოვენ. კანონდარღვევებზე ხელისუფლება სათანადოდ არ რეაგირებს ამ დროს კი ადამიანთა ჯანმრთელობა ზიანდება.