კერატოკონუსი – საფრთხე ახალგაზრდების მხედველობისთვის. მიუხედავად იმისა, რომ ეს მთელ მსოფლიოში საკმაოდ გავრცელებული დაავადებაა, მოსახლეობას მის შესახებ მწირი ინფორმაცია აქვს. ის მოზარდ ასაკში იწყება და 35-40 წლამდე პროგრესირებს, თუმცა შესაძლოა, დიდხანს შეუმჩნეველი დარჩეს. რა დაავადებაა კერატოკონუსი და რა უნდა ვიცოდეთ მის შესახებ?
კერატოკონუსი არის რქოვანა გარსის პროგრესირებადი, დეგენერაციული და არაანთებადი დაავადება. როგორც წესი, იგი ნელა პროგრესირებს, თუმცა შესაძლებელია სწრაფი განვითარებაც. კერატოკონუსის დროს რქოვანა გარსი თხელდება, წინ გამოიზნიქება და მისი სფერული ფორმა კონუსისებურით იცვლება. რქოვანას ფორმისა და სისქის ცვლილება მის ოპტიკურ, გარდამტეხ თვისებებსაც ცვლის, რაც საბოლოოდ მხედველობის გაუარესების მიზეზი ხდება.
კერატოკონუსით უფრო ხშირად სუბტროპიკული და ტროპიკული კლიმატის ქვეყნების ახალგაზრდები,15-დან 30 წლამდე ასაკის მაცხოვრებლები ავადდებიან. ამ ფაქტორიდან გამომდინარე, დაავადებისთვის „ენდემური ზონა“ სწორედ აჭარა აღმოჩნდა.
კერატოკონუსის განვითარება შესაძლებელია, როგორც ერთ, ისე ორივე თვალზე. დაავადების ადრეული დიაგნოსტიკა და სათანადო მკურნალობა მნიშვნელოვანია მისი პროგრესირების შესაჩერებლად და მოსალოდნელი გართულებების თავიდან ასაცილებლად.
კერატოკონუსს ბათუმში, თვალის კლინიკა „ოკულუსმედში“ უმაღლესი ხარისხით მკურნალობენ. სამედიცინო დაწესებულება უახლესი, სრული ოფთალმოლოგიური აპარატურითაა აღჭურვილი.
კლინიკა ბათუმში, 2015 წლის 25 აპრილს გაიხსნა და 9 მარტის 10 ნომერში მდებარეობს.
1
s
s
s