2020 წელს გამძვინვარებულმა პანდემიამ ზიანი მოუტანა ბევრი ქვეყნის ეკონომიკას, შეაფერხა სასწავლო პროცესები, პარალიზებული გახადა საჰაერო მიმოსვლა და გადადებულ იქნა ყოველგვარი კულტურული ღონისძიებები.
სხვა მრავალ საჯარო დაწესებულებებთან ერთად, დაიხურა ისეთი სახის სასწავლო დაწესებულებები, როგორიცაა მაგალითად სკოლა, უნივერსიტეტი და ბაღი. საინტერესოა, რა სახის გავლენას ახდენს პანდემიასთან დაკავშირებული პროცესები მოზარდებსა და მცირე წლოვან ბავშვებზე ან რა სახის სირთულეებთან უწევთ მათ გამკლავება და როგორ უნდა დავიცვათ ისინი ვირუსის მავნე თვისებებისაგან.
გერმანიის ჯანდაცვის სამინისტრომ გამოაქვეყნა ოფიციალური წერილი, რომელშიც მედიკოცები მოუწოდებენ მშობლებს, ფრთხილად იყვნენ მოზარდებთან, განსაკუთრებით იმ შემთხვევაში, თუ მოზარდს აწუხებს ქრონიკული სახის დაავადებები, (მაგ. ასთმა ან სხვა მსგავსი ტიპის დაავადება) აქვს დაბალი იმუნიტეტი, რკინის ნაკლებობა ან ქრონიკულად ობსტრუქტიული ფილტვების დაავადება COPD. მოხსენებაში ასევე აღნიშნულ იქნა ის ფაქტიც, რომ ახალგაზრდები არ მიეკუთვნებიან იმ ძირითად კატეგორიას, რასაც რისკის ქვეშ მყოფთა ჯგუფი ეწოდება, ( ამ კატეგორიას მიეკუთვნებიან 50- 60 - ი წლიდან ასაკის მქონე ადამიანები) თუმცა ეს ფაქტი არ გვაძლევს იმის უფლებას, რომ ყურადღება მოვადუნოთ, ვინაიდან ოფიციალური მონაცემებით , COVID 19 -ით ამერიკასა და ევროპაში მოზარდების დაღუპვის მაჩვენებელიც ფიქსირდება.
SWR- ის მონაცემებზე დაყრდნობით მოზარდები ზუსტად იგივე ინტენსიურობით ინფიცირდებიან, როგორც ზრდასრულები, მხოლოდ იმ განსხვავებით, რომ ბავშვებს ადვილად გადააქვთ ვირუსი, ვინაიდან მათი სხეული ზრდასრულ სხეულთან შედარებით იმუნოაქტიურია. ამ შემთხვევაში ისინი ე.წ. ინფლუენსერთა როლს ითვისებენ და საშიში ხდებიან მაგალითად ბებია-ბაბუებისათვის, როგორც რისკის შემცველი კატეგორიის წარმომადგენლებისათვის. ამავდროულად არ უნდა დაგვავიწყდეს, რომ თუ მოზარდს ჯანმრთელობასთან დაკავშირებული პრობლემები აწუხებს, ისიც რისკის მატარებელთა კატეგორიას მიეკუთვნება.
კვლევის მეორე ნაწილი დაეთმო ფსიქოლოგიურ-სოციალურ პრობლემებს მოზარდებში, ანუ არსებულ სოციალურ კონტაქტთა შეზღუდვას, რისი მიზეზიც COVID 19- ი გახდა. მოზარდების დიდი ნაწილი დროს ოჯახურ გარემოში ატარებს, რაც ერთის მხრივ დადებით ფაქტორს წარმოადგენს, თუმცა ძალიან ბევრი მოზარდი ,სამწუხაროდ , ძალადობის მსხვერპლია, იძულებულია აიტანოს ოჯახური ძალადობის ფაქტი ან ზრდასრულთა სხვადასხვა სახის კოფლიქტის მომსწრე გახდეს. ჩვეულ ყოველდღიურობას მოწყვეტილი ახალგაზრდები გულს ინტერნეტსივრცეში იჯერებენ, სადაც გულწრფელად შეუძლიათ გული გადაუშალონ თუნდაც მათთვის სრულიად უცხო პიროვნებას ან მონაწილეობა მიიღონ მათი ასაკისათვის აკრძალულ თამაშებში. აქედან გამომდინარე, აუცილებელია გაკონტროლებულ იქნას მოზარდთა აქტივობა სოციალურ მედიაში.
რაც შეეხებათ მცირეწლოვან ბავშვებს, მედიკოსები გვირჩევენ რომ , ისინი მაქსიმალურად მოვარიდოთ თავშეყრის ადგილებს და შეძლებისდაგვარად გავანებივროთ ვიტამინებით, რათა ძლიერი იმუნური სისტემა გამოუმუშავდეთ და იყვნენ დაცულები ყოველგვარი ვირუსისაგან.
სტატია TV25.GE-სთვის ნანული კიკაჩეიშვილმა https://www.swr.de -ზე დაყრდნობით მოამზადა.
3
s
s
s