როგორია ჰაერის ხარისხობრივი მდგომარეობა საქართველოში? გარემოს ეროვნული სააგენტო მონიტორინგს განაგრძობს. მიმდინარე წლის 5 მარტიდან ქვეყნის ტერიტორიაზე მყარი ნაწილაკების კონცენტრაციების მატება ფიქსირდება. გაზრდილი მაჩვენებელი გვაქვს ბათუმშიც. რამდენად საშიშია მაღალი ციფრები ჩვენი ჯანმრთელობსითვის?
ბათუმში, გუშინ, ატმოსფერული ჰაერში მყარმა ნაწილაკებმა ნორმას 2.5-ჯერ გადააჭარბა. გარემოს ეროვნული სააგენტოს მონაცემებით, ჰაერის ხარისხობრივი მდგომარეობის გაუარესების ეს მაჩვენებელი ტრანსსასაზღვრო დაბინძურებას უკავშირდება და საჰარის უდაბნოს მტვრის მასების შემოჭრით არის განპირობებული.
ამ კონკრეტული შემთხვევის გარდა, გარემოს დამცველები ჰაერის დაბინძურებას ტრანსპორტის გამონაბოლქვსა და სამშენებლო სამუშაოებსაც უკავშირებენ. ეკოლოგები იმ ღონისძიებების გატარების აუცილებლობაზე საუბრობენ, რაც ჰაერის დაბიძინძურების პრევენციის მიზნით სახელწმიფომ უნდა განახორციელოს. კახა გუჩმანიძის თქმით, გამწვანების პოლიტიკის გაძლიერებაა საჭირო და თვითმმართველობებმა ეკოლოგიური ტრანსპორტის შემოყვანაზე უნდა იზრუნონ.
ტოქსიკოლოგი ამბობს, რომ ჰაერის დაბინძურება ნებისმიერი ადამიანის ჯანმრთელობისთვის საზიანოა. დავით მამულაძის თქმით, მსგავსი მდგომარეობა, ქრონიკული დაავადებების მქონე პირთათვის, ორმაგად საზიანოა.
ბათუმის ავტოტრანსპორტში ეთანხმებიან მოსაზრებას, რომ გამონაბოლქვი გარემოს აბინძურებს. ბადრი ფარტენაძის თქმით, მდგომარეობის გასაუმჯობესებლად მერიასთან ერთად მუშაობენ. მისივე განმარტებით, ძველი მუნიციპალური ტრანსპორტის ეკოლოგიურით ჩანაცვლება, 2018 წლიდან, ეტაპობრივად დაიწყო და მომავალშიც გაგრძელდება.
ატმოსფერულ ჰაერზე მონიტორინგს, თავის მხრივ, აჭარის გარემოსდაცვითი ზედამხედველობის სამსახურიც ახორციელებს. ბიომრავალფეროვნებისა და გარემოს ინტეგრირებული მართვის სამსახურის უფროსის თქმით, დაბინძურება კომპლექსურია და სხვადასხვა მიზეზიდან გამომდინარეობს.
ჰაერის ხარისხის მდგომარეობის შესახებ ინფორმაციისა და ჯანდაცვითი რეკომენდაციების მიღება, ნებისმიერ დაინტერესებულ პირს, პორტალზე air.gov.ge შეუძლია.
1
s
s
s