ზამთარში დასუსტებული იმუნიტეტი და დაღლილობა ჯანმრთელობასთან დაკავშირებული ტიპიური პრობლემებია. მათ გადასაჭრელად რკინით მდიდარი პროდუქტები იდეალურად დაგეხმარებათ.
რკინა ერთ-ერთ მნიშვნელოვან მკვებავ ნივთიერებას წარმოადგენს, რომელიც ორგანიზმს ყოველდღე დიდი რაოდენობით სჭირდება. ორგანიზმი რკინას ჰემოგლობინად აწარმოებს – ცილად, რომელსაც ერითროციტები უჯრედებში ჟანგბადის მისაწოდებლად იყენებს. ვინაიდან ორგანიზმის ყველა ფუნქცია გარკვეულწილად ჟანგბადს იყენებს, მას რკინა სჭირდება.
რკინის დეფიციტი ანემიას და ქრონიკული დაღლილობას იწვევს. ეს მდგომარეობა ტვინის ბუნებრივ ფუნქციას ასუსტებს, განსაკუთრებით პატარა ბავშვების მზარდ ტვინს. ორსულ ქალებში რკინის დეფიციტი ნაყოფის მოშორების რისკს ზრდის.
დღეს რკინის უამრავი დანამატი არსებობს, მაგრამ ამ აუცილებელი ნივთიერების მისაღებად საკვები საუკეთესო და ყველაზე უსაფრთხო წყაროა. ორგანიზმის რკინით გამდიდრებაში როგორც ცხოველური წარმოშობის, ასევე მცენარეული წარმოშობის პროდუქტები დაგეხმარებათ.
მოლუსკები, ორგანოების და წითელი ხორცი რკინით მდიდარი ერთ-ერთი საუკეთესო პროდუქტებია. ცხოველური წარმოშობის მქონე პროდუქტებში რკინა უფრო მაღალი ბიოშეღწევადობის გამო ღირებულია. რკინა ცხოველური წარმოშობიდან არის ჰემე. მას ორგანიზმი პრობლემის გარეშე ითვისებს. მცენარეული წარმოშობის არაჰემურ რკინას ასათვისებლად დამატებით C ვიტამინი სჭირდება.
მცენარეული პროდუქტები რკინით. ისპანახი ერთ-ერთი საუკეთესო წყაროა: ის არა მხოლოდ დიდი რაოდენობით რკინას, არამედ C ვიტამინსაც შეიცავს, რომელიც ორგანიზმს მინერალის უკეთ ათვისებაში ეხმარება. ისპანახში რკინის შემცველობა განსაკუთრებით არსებითი ხდება, თუ მას თუჯის ჭურჭელში ამზადებენ.
კაკაო ორგანიზმს რკინასთან ერთად უამრავი ანტიოქსიდანტით ამდიდრებს. რაც უფრო სუფთაა კაკაო, მით უფრო მეტ რკინას შეიცავს, ამიტომ მუქი შოკოლადი აირჩიეთ, რომელიც რაც შეიძლება ნაკლებ გადამუშავებულ შაქარს შეიცავს.
კაკალი და თესლი ორგანიზმს რკინით უზრუნველყოფს. მათ შორის ყველაზე მეტ რკინას კეშიუ შეიცავს.
რკინის მაღალი რაოდენობით პარკოსანი პროდუქტები გამოირჩევა. მაგალითად, 1 ჭიქა შავი ლობიო უფრო მეტ რკინას შეიცავს, ვიდრე ცხოველური წარმოშობის უმეტესობა პროდუქტი.
ბროკოლი ბევრ რკინას არ შეიცავს, მაგრამ ამ მინერალის გარდა ბოსტნეულში სიმსივნის საწინააღმდეგო ნაერთები გვხვდება.
რკინის კარგი მცენარეული წყაროა გოგრის თესლი, რომელიც ასევე შეიცავს ნიაცინს და ფოლიუმის მჟავას, E ვიტამინს (ეფექტური ანტიოქსიდანტი) და A, C, D და K ვიტამინებს მცირე, მაგრამ მნიშვნელოვანი რაოდენობით.
ხილის ჯგუფიდან რკინის შემცველი პროდუქტებიდან შეიძლება გამოვყოთ ფინიკი, გარგარი, ლეღვი, ქიშმიში, შავქლიავი და ბროწეული.
როგორ მივიღოთ რკინის შემცველი პროდუქტები. C ვიტამინის გარდა რკინის უკეთ ასათვისებლად B ჯგუფის ვიტამინებია საჭირო, რომელსაც სოკო, კომბოსტო, ზღვის წყალმცენარე, სტაფილო, ნესვი და ფოთლოვანი ბოსტნეული შეიცავს.
რკინა და ფოლიუმის მჟავა კარგ კომბინაციას წარმოადგენს. მას გვაძლევს მარცვლეულის პური, სიმინდი, ავოკადო, ბრინჯი, შვრია, ქერი, ქერის მარცვლები.
რკინის და კალციუმის შემცველი პროდუქტების ერთად მიღება არ ღირს: ეს ორი ელემენტი ერთმანეთის ათვისებას ართულებს. სწორედ ამიტომ, რძის პროდუქტები და რკინის შემცველი პროდუქტები ცალ-ცალკე ან მონაცვლეობით მოიხმარეთ.
გარდა ამისა, რკინას ათვისებაში ხელს უშლის ტანინი – ნივთიერება, რომელსაც ჩაი და ყავა შეიცავს. რკინით მდიდარ საკვებს ეს სასმელი არ დააყოლოთ. ის კარგად ეთავსება წყალს, პომიდვრის ან სხვა ბოსტნეულის წვენს და ჩირების კომპოტს.
წყარო : vivien.ge
114
s
s
s