25, ნოემბერი 2019 17:05:00
მასწავლებლის ცვლილებით გამოწვეული დისკომფორტი და სააღმზრდელო დაწესებულებაში შექმნილი აურზაური. დღეს ხელვაჩაურის ნომერ პირველ ბაღში მშობლებმა პროტესტი იმის გამო, გამოთქვეს, რომ საკადრო ცვლილებები განხორციელდა. უკმაყოფილო მშობლები ამბობენ, რომ ეს ბავშვების ფსიქიკაზე უარყოფითად მოქმედებს.
ამ ადამიანების პროტესტი იმან გამოიწვია, რომ ჯგუფებში აღმზრდელების გადანაცვლება მოხდა. მშობლები ირწმუნებიან, რომ ხელვაჩაურის საბავშვო ბაღში განხორციელებული საკადრო ცვლილებები მათი ბავშვების ფსიქიკაზე უარყოფითად აისახა. ისინი მასწავლებლების ძველ ადგილებზე დაბრუნებას ითხოვენ.
მიზეზი, რამ გამოიწვია საკადრო ცვლილებები აღსაზრდელების მშობლებისთვის არავის აუხსნია. ისინი ამბობენ, რომ თუ მათი მოთხოვნები არ დაკმაყოფილდება, ისინი ბავშვებს სააღმზრდელო დაწესებულებაში აღარ მიიყვანენ.
ხელვაჩაურის ბაღის ეზოში გამართულ აქციაზე დღს მერის მოადგილე მივიდა. არჩილ ბარამიძე საკადრო გადაადგილებაში პრობლემას ვერ ხედავს და გადაწყვეტილების შეცვლას არ აპირებს. იმაში დასარწმუნებლად, რომ ბავშვები თავს კარგად გრძნობენ, იგი მშობლებთან ერთად დაწესებულებაში შევიდა და აღსაზრდელები მოინახულა.
ხელვაჩაურის ბაღების გაერთიანებაში ამბობენ, რომ საკადრო გადანაცვლების მიზეზი მასწავლებლის დეკრეტულ შვებულებაში გასვლა გახდა. გადაწყვეტილება მუნიციპალიტეტის ხელმძღვანელი პირების ჩართულობით მიიღო, თუმცა მშობლების პროტესტის შემდეგ გადაწყვეტილების გადახედვას არ გამორიცხავენ.
მშობლებმა გაერთიანებას განცხადებით უკვე მიმართეს და ახლა მისი განხილვის და შედეგის მოლოდინში არიან.