ბორდის წევრების შემდეგ საზოგადოებრივი მაუწყებლის აჭარის ტელევიზიისა და რადიოს დირექტორის მიმართ პრეტენზიები ახლა უკვე თანამშრომელებს გაუჩნდათ. არხის ოპერატორები პარასკევიდან გაფიცვას აანონსებენ. ხუთშაბათს კი სხდომაზე მოქმედი ხელმძღვანელის თანამდებობიდან გადაყენების საკითხი განიხილება. რა პრეტენზიები აქვთ ნათია კაპანაძის მიმართ? არღვევს თუ არა უფროსი დასაქმებულების შრომით უფლებებს?
ანაზღაურება, რასაც ტელეკომპანიის პროფესიული გაერთიანების კომიტეტის თაჯდომარე უსამართლოს უწოდებს, 1 300 -დან 2 000 ლარამდე მერყეობს. ჰონორარის ფარგლებში ოპერატორებს კვირაში სამ დღიანი დასვენება, ერთ საათიანი შესვენება და ჯანმრთელობის დაზღვევა აქვთ.
13 ოპერატორის უკმაყოფილების მიზეზი ის არის, რომ მათ პარალელურად მემონტაჟის ფუნქციის შეთავსებაც უწევთ, რაშიც დამატებით ანაზღაურებას არ უხდიან. დასაქმებულებმა ინტერესების დაცვის მიზნით აჭარის უმაღლეს საბჭოს და ჯანდაცვის სამინისტროს მიმართეს. პროცესში მაუწყებლის პროფესიული გაერთიანებაც ჩაერთო. ამ თემაზე თავად ოპერატორები საჯაროდ არ საუბრობენ, თუმცა პროფკავშირების ხელმძღვანელი ამბობს, რომ დირექტორმა დასაქმებულების არცერთი მოთხოვნა არ გაითვალისწინა.
ოპერატორები პირად საუბრებში ირწმუნებიან, რომ მხარეებს შორის მოლაპარაკება ერთ წელზე მეტია, რაც უშედეგოდ გრძელდება. შესაბამისად მათი მტკიცებით, გაფიცვა მაუწყებლის დირექტორის იმპიჩმენტის საკითხს სპეცილურად არ დაუმთხვევიათ. ნათია კაპანაძისთვის უნდობლობის გამოცხადების თემაზე მრჩეველთა საბჭომ ხუთშაბთს დაგეგმილ სხდომაზე უნდა იმსჯელოს.
ნათია კაპანაძის იმპიჩმენტის ერთ-ერთი ინიციატორი ჟურნალისტებს საკითხის პოლიტიზირებაში ადანაშაულებს. გიგა ჩხარტიშვილს მიაჩნია, რომ პრობლემა მხოლოდ სამართლებრივ ჭრილში უნდა განიხილებოდეს და მედიამ ამ თემაზე აუდიტორიას პოლიტიკოსების შეფასები არ უნდა შესთავაზოს.
აჭარის საზოგადოებრივი მაუწყებლის 13 ოპერატორი გაფიცვას 19 აპრილიდან იწყებს. მათ წერილობითი განცხადება მაუწყებლის კანცელარიში უკვე შეიტანეს. თემაზე განმარტებები ტელევიზიისა და რადიოს მენეჯმენტში დღეს არ გაკეთდა.
და ეს წუთია გახდა ცნობილი, რომ საბჭოს სხდომა ერთი დღით გადავადდა და 19 აპრილს გაიმართება.
1
s
s
s